242. Masungulo Ya Kereke I Hosi Yesu

1. Masungul’ ya Kereke

I Hosi Yesu

A tixavele Yena

Hi mati ni Rito

A tile hi tilweni

Ku ta yi tshembisa

Hi vutomi ni ngati

A yi kutsulile.

2. Misaveni hinkwayo

Kereke i yin’we

Yi mhakeni ya yin’we

Ya ku ponisiwa

Yi ni Hosi ya Yin’we

Xin’we Xilalelo

Yi ka ntirho wa wun’we

Hi matimba man’we.

3. Xikarhi ka tinyimpi

Ti yi pfukelaka

A kereke ya rindza

Ku vuya ka Yesu

Ku vona mombo wakwe

Ni ku rhula kakwe,

Se ku lwa ku helile,

Yi va ku rhuleni.

4. Kereke yi ni vun’we

Swin’we ni Xikwembu

Kasi ley’etleleke

Yi kon’eHosini,

Hosi, nyika na hina

Tintswalo toleto

Ku hi fikisa seyo

Tilweni ka Wena.

 

Escrito por: Faruk Issufo