1. Ndzi nghenile eKanana
La mihandzu yo nandziha,
Kuvonakala ka dlambu
Ku hlongolile vusiku.
Vuyelelo
O! Kanana lo saseka
Tiko leli tsakisaka.
Se ndzi tshikile mananga,
Se a ndzi nga ha ta vuya
Ndzi ta aka eKanana
Li ta va kaya ka mina.
2. Ndza famba swin’we na Yesu
Ndza twa rito la Xikwembu
A ndzi rhangela endlelen’
A ndzi hlayisa le khombyen’.
3. Misinya yi ni mihandzu
Leyi tsakisaka mbilu
Swiluva swi sasekile,
Ni milambu yi basile.
4. Tiko leli li kusihi
Na kona kaya ka Hosi
Se tintsumi ta Xikwembu
Ti yimbelela tinsimu.
Escrito por: Faruk Issufo
0 Comentários