88. Yehova, Murisi Wanga

1. Yehova, murisi wanga.

Lweyi a ndzi wisisaka;

Madyelweni ya rihlaza;

Ni matin’ yo rhula.

2. Mbilu yanga, wa yi pfuxa.

Wa ndzi rhangelela,

Tindleleni to lulama,

Hi tivo la wena.

3. Hambi ndzi nghena nkoveni.

Wa ndzuti wa rifu,

A ndzi chavi, ni switsongo,

Loko u na mina.

4. I nhonga ni xongotelo,

Swa wena, Murisi;

Swa ndzi tiyisa masiku,

Hinkwawo ya mina.

5. Tafula la wena, Hosi,

Wa ndzi lungisela;

Emahlweni ya valala,

Na vona va chava.

6. U tolile nhloko yanga,

Hi wona mafurha;

Ni ndzheko wanga wu khapa;

Hi dyombo la wena.

7. Ku kateka ni tintswalo,

Swi ta ndzi landzela;

Hi masiku ya ku hanya;

Ka mina, misaveni.

Kutani mina n’ta tshama,

Endlwini ya wena;

Ndzi tlangela hi masiku,

Nsovo wa Yehova.

Escrito por: Faruk Issufo